MATERI BASA BALI KELAS VIII SARGAH 2 : ANGGAH UNGGUHING BASA BALI

 Om Swastyastu alit-alit, sapunapi gatrane? Dumogi setata kenak lan rahayu nggih! Ngiring wacen dumun wewehan materi indik Anggah Ungguhing Basa Bali ring sor puniki!

ANGGAH UNGGUHING BASA BALI

Anggah ungguh punika, pateh sekadi tingkatan, sor singgih, tegeh endep, alus kasar. Yening aluh baan nyambatang, anggah ungguhing basa Bali inggih punika pateh sekadi tatanan kebahasaan, sane kaanggen olih masyarakat Bali, rikala mabaos utawi berkomunikasi sareng anak lianan. Makudang sujana utawi ahli sane ngisiang peranan penting ri sajeroning kawentenan anggah ungguhing rikala mabasa ring Bali inggih punika Wayan Budha Gautama sareng I Nengah Tinggen. Ipun ngraosang, wenten makudang kepah utawi carca/bagian sajeroning anggah ungguhing basa Bali, minakadi :

Basa Alus

Pateh sekadi wastannyane, basa alus puniki madue unteng taler kawigunayang rikalaning mababaosan sareng sang sane patut kasinggihang utawi dihormati. Basa alus pinaka basa nak Bali sane pinih becik lan sopan. Basa alus taler kakepah dados tiga, minakadi Alus Singgih (ASI), Alus Sor (ASO) taler Alus Mider (AMI).

1. Alus Singgih (ASI)

Alus singgih kaanggen rikala mabaos nyinggihang anak sane patut singgihang (menghormati orang yang patut dihormati, memiliki kedudukan agama atau sosial lebih tinggi). Ngangen sudut pandang satu arah, inggih punika soran/lebih rendah majeng ring anak sane singgihang/lebih tinggi.

Imba kruna lan lengkara nganggen basa alus singgih (ASI) :

Kruna

- Lunga

- Lebar

- Ngerayunan

- Ngranjing

- Sanganan

Lengkara

- Ida Bhatara sampun lunga, taler kairing olih pamedek sami. (Ida Bhatara sudah pergi, juga diirngi oleh para warga.)

- Ida Pedanda sampun lebar. (Ida Pedanda sudah tiada.)

- Cok Aya sampun ngerayunan ring purine. (Cok Aya sudah makan di rumahnya.)

- Jro Mangku ngranjing ka purane semeng pisan. (Para pemangku sudah memasuki pura pagi-pagi buta.)

- Bapak Bupati Jembrana ngambil sanganan sane wenten ring genah piodalan. (Bapak Bupati Jembrana mengambil makanan yang ada di tempat upacara/odalan.)

2. Alus Sor (ASO)

Alus sor, pateh sekadi wastannyane, basa alus sor puniki kaanggen ngasorang/merendah. Basa alus sor nganggen kalih sudut pandang, sane kapertama anggen ngasorang raga (merendahkan diri sendiri) taler kaping kalih ngasorang sane patut kasorang (merendahkan orang lain dalam artian positif). Imba lengkara :

Ngasorang raga

- Dayu Sinta anteng pisan maplalian, ten sekadi adin titiang buka lindunge uyahin. (Dayu Sinta bermain dengan sangat tenang, tidak seperti adik saya yang seperti belut terkena garam.)

- Ida dumunan pun ngerayunan, titiang malih bos lakar ngajeng. (Ida duluan saja makan, saya sebentar lagi akan makan.)

Ngesorang anak lianan

- Ipun miragi wastan guru punika wantah Nyoman Darsana. (Ia mengatakan bahwa nama guru itu adalah Nyoman Darsana.)

- Ibu guru napike sampun maajengan? Tugek wawu wusan ngerayunan ring kantin. (Ibu guru apakah sudah makan? Tugek baru saja makan di kantin.)

- Bapane Alit wawu wusan masemaya sareng Ajik tiange. (Ayahnya Alit baru saja berjanji dengan ayah saya.)

3. Alus Mider (AMI)

Alus mider (AM) puniki madue konsep sane mesib sareng ASO. Nganggen sudut pandang sane pateh, sakewanten nenten baan ngasorang dewek. AMI kaanggen ngandapang sane patut andapang, taler nyinggihang sane patut singgihang. Ceciren utama saking AMI, yening wenten kruna sane wenten kasarnyane, kewala ten wenten sane alusang (AMI memiliki istilah lain yang lebih kasar, tapi tidak punya kata lain yang lebih halus). Imba lengkara :

- Mamargi ipun ngelintangin toya ageng. (berjalan dia melewati air besar/deras).

- Darsana lali pisan madue semaya sareng tunangane. (Darsana lupa mempunyai janji dnegan kekasihnya).

- Ia wau rauh saking Medan tengai tepet. (Ia baru datang dari Medan siang bolong).

Basa Madia (AMA)

Pateh sekadi wastannyane ‘madia’ sane mateges ‘tengah-tengah’ basa madia puniki pinaka basa Bali sane karasayang tengah-tengahin basa alus sareng basa kasar lan kepara. Lumrahnyane, kruna sane macihna basa madia puniki madue ciri sekadi wangun singkat saking basa alus. Umpami :

- Mangkin Wayan mayusa telulas tiban. (Sekarang Wayan sudah berusia tiga belas tahun).

- Pan Ayu nyambatang pianakne ampun tamat. (Pan Ayu menyatakan bahwa anaknya sudah lulus).

- Wenten orta napi ring banjare? (Ada berita apa di dusun?)

- Sira madue kancing baju niki? (Siapa yang memiliki kancing baju ini?)

Basa Kasar (BK)

Basa kasar kaangen rikala ngerasayang gedeg, sedeng magerengan, taler kaanggen ring sajeroning sarwa buron. Umpani :

-          Nyen bani mai lawan wake dini!

-          Apa kar tidik nyai kemu?

 

Basa Andap/Kepara

Basa andap utawi kepara puniki sane kaanggen sawai-wai utawi lumbrah ri sajeroning krama Bali. Ring kawigunannyane, basa andap puniki kaanggen ring sesamen triwangsa utamanipun ring wangsa jaba. Umpami :

-          Iluh mula jegeg cara bulan, dadi beli melali mulih luh?

-          Meme ngelah pipis duang tali rupiah.

 

"Mangkin pinaka tes, alit-alit durus karyanin soang-soang lima (5) lengkara sane nganggen Basa Alus, Basa Madia, Basa Kasar taler Basa Andap/Kepara. Wusan ngaryanin, durus setor pakaryan alit-alit ring kolom komentar sane wenten ring sor puniki. Indayang eling nagingin pesengan lan nomer absen soang-soang."