Dewinta Tirta

  BINGINATI Olih : Ni Wayan Dewinta Tirta Sintyawati   Rikala angga merasa tuyuh Rikala ati kaliwat tandruh Rikala gumi kerasa guyuh Irika dewek setata nagih nyujuh   Meriki   gelis macingak rupa Meriki singgah ring taman kota Genah anake melali, genah titiang ngalih lila Ngelimurang manahne ngantosang janji Janji ne kaucap kewala nenten mamunyi   Yening Bli dot ngalih titiang Sampunang ngrereh ring galang-galang Napi malih ring betenan bulan bintang Sampunang ngarepang titiang sekadi suryane Kerana titiang nenten mecahya   Kerana titiang tuah I Remang Sane mentik ring beten akah Akah bingin ring taman ati Alus, melah, ngaab Kewala nenten ngeranayang aab.

   TEGAL PENANGSARAN Olih : Ni Wayan Dewinta Tirta Sintyawati   Wenten katuturan satua ring jaman Kaliyuga, sane akehan jatmane melaksana corah tur mebalik. Mebalik kaucap inggih punika indik parilaksana lan kauripannyane sane nenten pateh sekadi dimalu. Yening dimalu akeh anak sane melaksana melah, sane nyunjung dharma, sane mangkin tungkalikannyane akeh anak sane melaksana corah tur nenten melaksana dharma. Yening ring pengajah-ajah agama Hindune, wenten papat kepah jaman sane madue cihna soang-soang ring sabilang jamannyane. Sane kapertama wenten sane kasengguh jaman Satyayuga, ring jamane puniki nenten wenten jadma sane mapikenoh utawi malaksana sane corah. Samian jadmane seleg maagama tur nyalanang swadharman soang-soang. Ring jamane puniki masih para manusa lan para Dewata prasida masadu ajeng sareng-sareng.   Jaman sane kaping kalih inggih punika jaman Tretayuga, sane mesib   teken jaman kapertama, sakewala ring jamane puniki sampun wenten akiik m...

  OMBAK MATEGTEGAN Olih. Ni Wayan Dewinta Tirta Sintyawati   Iriki ring pasisi kaja Indik galah nem lintang Rikala sang surya mawastra barak Ngelutin jagat ening nirmala   Sami maliang-liang Paksi ring ambara kadi layang-layang Manusane sami matresna sayang Teduh kerasayang   Sumilir angin ngetisin peluh anggane Serasa nepis tetambetan manah Ombak anteng tan pasuara Kadi rejuna sane metapa Ngulangunin kayun jagate   Duh ombak sane mejagra Dados ja setata nyaga Nyujur jagat doh sengasara Duh ombak, mogi tegteg setata

  JAYANING WIJAYA Olih : Ni Wayan Dewinta Tirta Sintyawati   Makuug suaran motore saking arep kapireng ngantos genah parkir sane wenten ring belakang sekolah. Samian sampun uning sapasira sane rauh, sekadi nyingakin Tika Pagraky konser, murid-muride magrudugan padengok saking jendelan kelase. Sane rauh boya ja artis terkenal, sakewala ia sang sane kaajumang ring sekolah. Nggih, nika suaran motor saking iring-iringan tim olimpiade sekolah sane kairingin olih sajebag pengurus OSIS SMA Sanathana Dharma. Nenten lian sane kairingin punika, sane prasida ngarebut jayanti olimpiade, tuah ia I Wijaya Chandra, manggala OSIS SMA Sanathana Dharma. Sekadi pesenganne, Wijaya setata jayanti ring sekancan lomba sane ia sarengin. Sisya kesayangan guru ring sajebag SMA Sanathana Dharma, dados idola utamanipun yening wenten sisya anyar ring sekolah punika. Nenten meweh yening pacang ngrereh Wijaya Chandra, sapasira sane madue pengawak tegeh kedas, kenyeman manis maimbuh sujenan tur magelan...

Agrapana Olih : Ni Wayan Dewinta Tirta Sintyawati   Embas ka gumi sekala Nenten lempas saking sengkala Kewala widya ne dados tamba Maimbuh basa ne sekadi tirtha Sayuwakti ngedohang mala   Basa lan sastra Bali ne luh jinawi Ngelimbak ring ambarane keberin paksi Doh ketes, nambung, paceroet ngantos ka bucun gumi Mangkin sira sane pacang nyagjagin?   Uduh cening, cening jegeg bagus Sampunang kantos merasa pangus Mangda gumine nenten sayan uwus Mangda jagate nenten uyak angin ngelinus Mangkin cening sane kautus Patut cening nyaga basa pang tan kagerus   Mangda gumi lan panjakne nenten sayan rered Patut jadma nincapang meled Punang malih keled-keled Mangda basane nenten ngandet Kerana sujatine tuah basa sane dados taled Ngedohang gumi saking sane mawasta reged

  DOAKU Oleh : Ni Wayan Dewinta Tirta Sintyawati   Sajak singkat yang ku untai Sebelum penghujung penantian ini Adalah suara rindu yang menggerutu Adalah untuk Ibu yang sedang menungguku Dengan senyum palsu dan mata yang berembun Menyibak senja menanti fajar Berharap temu menepis belenggu   Kita memang saling membohongi saat ini Aku tentang kisah indah yang ku karang setiap harinya Sedangkan Ibu tentang keadaannya yang baik-baik saja Berpaling demi terlihat kuat tanpa satu sama lain Menetap jauh meski hati sangat teriris menahan tangis Padahal setiap katak mulai bergurau, kita mulai saling merindu   Untuknya yang memiliki doa bak keramat Namun dengan satu telunjuk saja bisa membuat kiamat Yang menadah tangan tak mengaharap surga Termenung jauh dalam doa tak terucap kata Amin pada doaku selalu tertuju padamu.

  NGELUT SUARGAN (Terinspirasi saking Tragedi Gunung Semeru)   Kacerita rikala gumine sampun wayah, rikala galah nuju sasih pinih pingit kawastanin kaulu, irika para manusane sami ngerasayang jagat sane sayan rered, nenten wenten malih suryane masunar, maideh-ideh kaujanin sengsara, tan bina sekadi para penunggun gumine ngedat saking patapan penyatus tiban. Puniki masih sane karasayang ring desa pinih becik sane diwawu kalintang adijaya. Desa puniki kawastanin Desa Sapitu. Kawasanin punika kerana sesai rikalaning nuju sasih kapitu ngantos sasih kaulu punika akeh pisan wenten wancana ring desane punika, minakadi angin nglinus, linuh, miwah pikobet sane lianan. Desa Sapitu puniki kawentenannyane asri pisan lan akeh entik-entikan ageng sane ngiasin saking pasisi kauh ngantos sisi kangin ring cokor gununge. Gunung punika mawasta Meru, kerana ia sekadi wangunan meru ring pura, napi malih kahanan gununge sane sahasa ngaenang tis, kerana gununge puniki kapercaya olih panjak d...